حصريا دجاج بالفرن على طريقتي الخاصة ولذيييذ ياريت تعجبكم

دجاج بالفرن على طريقتي الخاصة ولذيييذ

السلام عليكم ورحمة الله وبركاته
يايبتلكم اليوم طبق انا سويت للغدا
طبعا سويت دجاج بالفرن بس بطريقتي انا
المقادير
1 دجاجة
3 بصل مقطع شرائح
3 طماط مقطع شرائح
2 علبة روب ( زبادي )
1 كوب سفن أب
2 ملعقة طعام خل اسود
2 ملعقة طعام ماماسيتا ( صلصة المحار )
2 ملعقة طعام صويا صوص
2 ملعقة طعام ليمون او حسب الرغبه
البهارات للتتبيله
طبعا كل نوع راح يكون تقريبا نصف ملعقة او حسب الذوق
كزبرة مطحونه
فلفل أحمر
فلفل اسود
بزار انا اللي عندي بحريني
تقدرين تختارين بهاراتج الخاصة عادي
كركم
ملح طبعا الملح ازود حسب الرغبة
الطريقة
أولا نحضر الدجاج ونرشه بجميع البهارات ونفركها فيه واهم شي الكركم عشان الزفر
ونضيف الروب ونخلطه معاه وبعدين الصويا والخل وصلصلة المحار
واخر شي السفن اب وتتركينه يتخدر مدة نصف ساعه او اكثر
المهم
في صينية البايركس تصفين شرايح البطاط والطماطم والبصل مو كلها خلي شوي منها لفوق الدجاج
بعدين تحطين الدجاج تشيلينه من الصلصلة اللي هو فيه بروحه وبعدها الباقي من شرايح البصل والطماط والبطاط صفيهم على اطراف الدجاج مو فوقه لانج تبين الدجاج يتحمر
بعدها صبي صلصلة الدجاج اللي بالروب فوقها
وغطيها بالألمنيوم ودخليه الفرن
بعد فترة ارفعي الغطى وخليها تستوي وتتحمر بدونها
وعليكم بألف عافية وان شاء الله تضبط معاكم